प्रेम मिभक (दृष्टी)
उ त नि,
विचारको हिसाबले तर्साईरहने मसान हो,
दृष्टिकोणको हिसाबले विश्वबाट परास्त धारणा हो,
अनि नि,
फर्काउने याचना गर्नेहरु, प्रतिगामीहरुका बथान हुन्,
सीमित बथान हिजो पनि थिए,
आज पनि छन्,
भोलि पनि रहनेछन्,
शक्तिको हिसाबले फर्किने छैन,

उ त नि,
राजकीय हिसाबले मरिसकेको छ,
प्रणालीको हिसाबले मरिसकेको छ,
त्यो नि,
फर्काउने याचना गर्नेहरु, दक्षिणपन्थी झुन्ड हुन्,
दक्षिणपन्थी सीमित झुन्ड हिजो पनि थिए,
आज पनि छन्,
भोलि पनि रहनेछन् ,
शक्तिको हिसाबले फर्किने छैन,

उ त नि,
शासन सत्ताको हिसाबले विस्थापित भईसकेको छ,
उसको स्थानमा संघीय गणतन्त्र स्थापित भईसकेको छ,
समावेशी लोकतन्त्र स्थापित भईसकेको छ
त्यो नि,
विगतमा अस्तित्व देख्नेहरु, पुनःउत्थानवादी फोबिया हुन्,
यो मानसिकता प्रगतिको जहिल्यै बाधक हुन्छ,
परिवर्तन नचाहनेहरु हिजो पनि थिए,
आज पनि छन्,
भोलि पनि रहनेछन्,
शक्तिको हिसाबले फर्किने छैन ।।